قفل الجهاز بعد وقت محدد بدون برامج "سهله جدا"

بسم الله الرحمن الرحيم

فى هذه التدوينة ان شاء الله سوف نتعرف سويا على طريقة جميلة جدا لجعل جهاز الكمبيوتر يقفل لوحده بعد وقت معين انت تحدده وبرغم من قصر هذه التدوينه الا انها من الاشياء المهمه جدا اللى بيحتاجه كل فرد مننا فمثلا لو انت سايب الجهاز بيحمل حاجه من ع النت او بيعمل اسكان او بينقل او اى حاجه زى كدا او حتى سايب الجهاز مفتوح لاولادك ومش عاوزهم يقعدو كتير وحجات تانيه كتير جدا فالطريقه بتاعت النهارده سهله جدا ومن غير اى برامج او اى حاجه خالص طريقه يدويه وفعاله جدا 

اول حاجه هنروح على سطح المكتب وندوس كلك يمين ونختار New ومن قايمه New نختار  Shortcut او اختصار هيظهرلنا نافذه هنكتب فيه shutdown -s -t 3600 وبعدين  ندوس next وبعدين finish  هيظهرلنا ايقونه على سطح المكتب لما ندوس عليها الجهاز هيقفل بعد ساعه بالظبط طيب ليه ساعه عشان احنا كتبنا shutdown -s -t 3600 يعنى 3600 دى عدد الثوانى اللى المفروض يقفل بعديها يعنى 60 دقيقه فى 60 ثانيه انتا لو عاوز ساعتين مثلا تضاعف العدد وكدا طيب افرض بقى انا جيت عاوز اقفل الوقت دا مش عاوز الجهاز يفصل عاوز الغى دى هنروح على run ونكتب فيها  shutdown -a   ودى صوره للتوضيح بنختم بيها التدوينه اشوفكم على خير